नेपाल उद्योग वाणिज्य महासंघका अध्यक्ष अन्जन श्रेष्ठले व्यवसायीहरूको मनोबल ३६ वर्षयताकै सबैभन्दा कमजोर अवस्थामा पुगेको बताएका छन्।
मंगलबार काठमाडौंमा आयोजित नाडा अटो शो उद्घाटन समारोहलाई सम्बोधनका क्रममा उनले मुलुकको अर्थतन्त्र चुनौतीपूर्ण अवस्थामा रहेको बताएका हुन्।
अध्यक्ष श्रेष्ठले अहिले निजी क्षेत्रले शिथिल बजार, कमजोर मनोबल र चुनौतीपूर्ण व्यावसायिक वातावरणको सामना गरिरहेको तितो यथार्थ पनि सुनाएका छन् ।
‘देशको अर्थतन्त्र अत्यन्त चुनौतीपूर्ण घडीमा छ। निजी क्षेत्रले अहिले शिथिल बजार, कमजोर मानसिकता र चुनौतीपूर्ण व्यापार व्यवसायको सामना गरिरहेको छ’, उनले भने, ’झन्डै ३६ वर्षको मेरो व्यावसायिक यात्रामा व्यवसायीहरूको मनोबल यति कमजोर भएको कहिल्यै देखेको थिइनँ।’
वालेन्द्र शाह नेतृत्वको नयाँ सरकारले अर्थतन्त्रलाई गति दिने प्रतिबद्धता जनाए पनि त्यसका लागि तय गरिने रणनीतिबारे निजी क्षेत्र स्पष्ट हुन नसकेको गुनासो उनले गरेका छन् ।
प्रतिक्रिया