काठमाडौं । जल तथा माैसम विभागले नारायणी नदीमा जलसतहले सतर्कता तह पार गरेको जनाएकाे छ । विभागका अनुसार यतिखेर देवघाट जलमापन केन्द्रमा जलसतह ७.३ मिलिमिटरभन्दा माथि पुगेको छ ।
बाढी बढ्दो क्रममा रहेकाले चितवन र नवलपरासी जिल्लाको नदी तटीय क्षेत्रमा रहनेहरूले उच्च सतर्कता अपनाउन आग्रह गरिएको छ ।
यसैबीच, मकवानपुर जिल्लास्थित लालबकैया खोलाले पनि जलसतह पार गरेको छ । जुरेली बजार जलमापन केन्द्रमा जलसतहले सतर्कता तह पार गरेको हो ।
बाढी बढ्ने क्रममा रहेकाले नदी तटीय क्षेत्र र डुबान भइरहने होचा भू–भागहरूमा बस्नेलाई दिउँसो १२ बजेसम्म सतर्कता अपनाउन विभागले आग्रह गरेको छ ।
प्रतिक्रिया