कञ्चरपुरको दोधारामा अहिलेसम्मकै उच्च वर्षा २४ घन्टामा ५६३ मिलिमिटर मापन

छड्के नेपाल

२५ असार २०८१, सोमबार

काठमाडाैँ । कञ्चरपुरको दोधारामा अहिलेसम्मकै उच्च वर्षा भएको छ। त्यहाँ पछिल्लो २४ घन्टामा ५६३ मिलिमिटर वर्षा भएको छ।

त्यस्तै कञ्चनपुरकै हनमान नगरमा पनि ५६१.४ मिलिमिटर वर्षा भएको छ। मौसमविद् गोविन्द झाका अनुसार नेपालमा वर्षा मापन गर्न थालिए देखि यताकै यो अत्याधिक बढी वर्षा हो।

यसअघि सन् २०१७ मा हेटौंडामा ५१६ मिलिमिटर वर्षा मापन भएको थियो।

झाका अनुसार सुदूरपश्चिम प्रदेशको अरु भूभागमा पनि भारी वर्षा भइरहेको छ। बाँकी स्थान हरुमा हल्कादेखि मध्यम वर्षा भएको उनले बताएका हुन।पछिल्लो २४ घन्टामा कञ्चनपुरको सुन्दरपुरमा मात्रै ४२२ मिलिमिटर वर्षा भएको छ।