गृहमन्त्री रवि लामिछानेको राजीनामा माग गर्दै सर्वोच्चमा मुद्दा दायर

काठमाडौं । सहकारी ठगी प्रकरणमा जोडिएका उपप्रधान तथा गृहमन्त्री रवि लामिछानेविरुद्ध सर्वोच्चमा मुद्दा दायर भएको छ । सोमबार महान्यायाधिवक्ता कार्यालयको पत्र खारेजी र पदबाट निलम्बनको माग गर्दै सर्वोच्चमा रिट दायर भएको हो । उक्त रिटमाथि छलफल गर्न आउँदो बुधबारका लागि पेशी तोकिएको छ ।सो रिट सर्वोच्च अदालतका रजिष्ट्रार विमल पौडेलले दरपीठ गरेका छन् ।

रिटमा कास्की, रुपन्देही र चितवनमा लामिछानेविरुद्ध सहकारी ठगीमा मुद्दा दायर नभएको भनेर महान्यायाधिवक्ता कार्यालयले लेखेको पत्रको कानुनी बैधतामाथि प्रश्न उठाइएको थियो ।

त्यस्तै, रिटमा लामिछाने सहकारी ठगीमा संलग्न रहेको र त्यसको छानबिन गर्दाका क्रममा उपप्रधान तथा गृहमन्त्रीबाट निलम्बन गर्न माग गरिएको छ। पदमा बहाल रहँदा सहकारी ठगी छानबिनको अनुसन्धानलाई प्रभावित पार्ने भएकाले पदबाट हटाउन माग गरिएको हो ।