कांग्रेसमा कुनै समूह छैन : गगन

काठमाडौं । नेपाली कांग्रेसका सभापति गगन थापाले पार्टीमा अब कुनै समूह नरहेको घोषणा गरेका छन्। महाधिवेशनको जारी बन्दसत्रलाई सम्बोधन गर्दै पार्टीमा लामो समयदेखि चल्दै आएको समूह अन्त्य भएको बताए।

उनले मतदानको क्रममा कुनै समूह भनेर चीट बाँडेको पाइए स्वीकार्य नहुने चेतावनी दिए।

उनले भने, ‘देउवा समूह, कोइराला समूह, पौडेल समूह, विशेष नियमित समूह सबै आजदेखि सकियो। यो अधिवेशनको सबैभन्दा ठूलो उपलब्धि यही हो। भोलि अधिवेशनमा यो वा त्यो समूह भन्ने हुँदैन। सबैले आफ्नो विवेक पुर्‍याएर निर्वाचनमा भाग लिनुपर्छ।’

उनले भोलि रातिसम्म मतदानको काम सकिने बताए। क्लस्टर अनुसार ८ सयभन्दा धेरै उम्मेदवार भएकाले मत परिणाम आउनको लागि एक दुई दिन लाग्ने बताए।