अबिरल वर्षाका कारण नारायणगढ बुटवल सडक विस्तार राेकियाे

नारायणगढ बुटवल सडक विस्तार योजना पूर्वी खण्डका योजना प्रमुख आशिष थापा मगरका अनुसार अहिले सडक विस्तारको काम भन्दा पनि यातायात सहज रुपमा सञ्चालन गराउनका लागि पहल भइरहेको बताए छन् ।

‘पानीमा सडक विस्तारको काम गर्न नसकिने भएपछि अहिले यातायात सहज बनाउनेतर्फ हामीले ध्यान दिनुपर्ने उनले भने ।

सडकमा भएका खाल्डाखुल्डी पुर्ने, पानीले भिजाएर बाटो चिप्लो भएको ठाउँमा गिटी राख्ने, पहिरो हटाउनेलगायतको काम गर्नुपर्ने उनले बताए ।

‘यस वर्षको मनसुन सुरु भएपछि एक हप्ता अगाडिदेखि नै निर्माण कम्पनीले आफ्नो स्रोतहरु घटाउँदै लगेको थियो र पानी परेपछि सडक विस्तारको काम गर्न नमिल्ने भएकाले काम बन्द गरिएको हो ।

साढे तीन वर्षमा निर्माण सम्पन्न गर्ने गरी विसं २०७५ माघमा सडक बिस्तारको लागि सम्झौता भएर काम सुरु गरिएको थियाे । नारायणगढ बुटवल सडकको ११४ किलोमिटरमध्ये पूर्वी खण्डमा ६५ किलोमिटर सडक पर्दछ ।