काठमाडौं । अमेरिका–इजरायल र इरानबीच जारी युद्धको तेस्रो हप्तामा ऊर्जा बजारमा दबाब बढ्न थालेको छ । यही कारण अमेरिकामा पेट्रोलको मूल्यमा तीव्र वृद्धि भएको छ ।
यो स्थिति अमेरिकी राष्ट्रपति डोनाल्ड ट्रम्पका लागि रणनीतिक मात्र नभई घरेलु राजनीतिक चुनौती पनि बन्दै गएको छ । यसको कारण बढ्दो महँगी र जीवनयापनको लागत पहिलेदेखि नै मतदाताहरूका लागि प्रमुख चिन्ताको विषय बनेको छ ।
इरानविरुद्धको युद्धको तेस्रो हप्तामा राष्ट्रपति ट्रम्पले यस्ता निर्णयहरूको सामना गरिरहेका छन्, जसले उनको पूरा कार्यकाललाई नै परिभाषित गर्न सक्ने बताइएको छ ।
यद्यपि, सार्वजनिक मञ्चहरूमा उनी यस युद्धलाई लिएर दबाबमा देखिँदैनन् । सोमबार राति ‘ह्वाइट हाउस’मा एक घण्टाभन्दा लामो सम्बोधनका क्रममा उनले युद्धका अतिरिक्त केनेडी सेन्टरको नवीकरण, ह्वाइट हाउस बलरुम निर्माण, विश्वकप र अन्य घरेलु मुद्दाहरूमा पनि विस्तृत रूपमा आफ्नो धारणा राखेका थिए ।
प्रतिक्रिया